پاکستان: د افغانستان دننه د ترهګرو پر ضد د اقدام حق لرو
- 1 مياشت دمخه (20/02/2026)
- سمسور نیوز
- 111
د پاکستان بهرنیو چارو وزارت ویلي، چې اسلاماباد ځانته دا حق ورکوي څو د افغانستان دننه د هغو ډلو د پټنځایونو پر وړاندې ګام واخلي،چې د پاکستان پر ضد بریدونه ترسره کوي.
د یاد وزارت ویاند طاهر اندرابي ویلي، پاکستان څو ځله له افغان حکومت څخه غوښتي، چې د خپلې خاورې له لارې پر پاکستان د بریدونو مخه ونیسي، خو د ده په وینا «مثبت ځواب» یې نه دی ترلاسه کړی.
دا څرګندونې وروسته له هغې کېږي، چې
د فبرورۍ۱۶مه دباجوړ په سیمه کې د یوه برید په پایله کې ۱۱ پاکستاني سرتېري ووژل شول.
د دغه برید مسؤولیت ټي ټي پي منلی دی.
پاکستان تل ادعا کړې، چې د ټي ټي پي مشران په افغانستان کې مېشت دي؛ خو کابل دا تورونه بېبنسټه بللي او رد کړي یې دي.