ای او اېم : تېره میاشت کې له پاکستان تر ۳۸ زرو ډېر افغان کډوال ایستل شوي
- 2 مياشتي دمخه (12/02/2026)
- سمسور نیوز
- 35
د کډوالو نړیوال سازمان ای او اېم په خپل تازه راپور کې ویلي، چې د جنورۍ میاشتې په وروستیو دوو اوونیو کې له پاکستانه ۳۸ زره او ۲۰۱ افغان کډوال ايستل شوي دي.
راپور زیاتوي، چې د راستنو شویو کسانو شمېر د مخکینیو دوو اوونیو په پرتله ۲ سلنه کم شوی، خو په جبري ډول د ایستل شویو کډوالو شمېر ۷ سلنه زیاتوالی ښيي.
د یاد سازمان د شمېرو له مخې، د ۲۰۲۵ کال د اپرېل میاشتې راهیسې تر اوسه له پاکستانه تر ۱ میلیون او ۱۵۵ زرو زیات افغان کډوال بېرته هېواد ته ستانه شوي، چې له دې منځه یې ۱۵۸ زرو زیات کسان په جبري ډول ایستل شوي دي.