سرپرست حکومت د ولسي شاعر مطیعالله تراب پر مړینې خواشیني ښودلې
- 9 مياشتي دمخه (15/07/2025)
- سمسور نیوز
- 297
د سرپرست حکومت ویاند، ذبیحالله مجاهد د ولسي شاعر مطیعالله تراب پر مړینې خواشیني ښودلې ده.
مجاهد پر خپله اېکس پاڼه لیکلي چې د تراب وفات متاثره کړی او له کورنۍ او خپلوانو سره یې خواخوږي څرګنده کړې ده.
مطیعالله تراب تېره شپه په خوست ولایت کې د زړه درېدو له امله ومړ.
ګڼو پښتنو لیکوالانو، شاعرانو او د ادب مينهوالو د مطیعالله تراب پر مړینه خواشیني څرګنده کړې او دا یې د پښتو ادب لپاره ستره ضایعه بللې ده.
تراب د خپلو انتقادي او حماسي شعرونو له امله خورا مشهور و.
د یادونې وړ ده چې د نوموړي جنازه نن دوه بجې په ننګرهار کې ادا کېږي.